წმინდა ვალენტინობის დღესასწაულის ისტორია
  14 თებერვალი - საოცარი დღე, როდესაც საჭიროა გაბედულად გამოუტყდეთ სიყვარულში საყვარელ ადამიანებს. საკმარისია მცირედი საჩუქარიც კი, მაგალითად ქაღალდის გული. წმინდა ვალენტინის დღე არის საყვარელი დღესასწაული ნებისმიერი ასაკის ადამიანისთვის. ეს დღესასწაული ერთნაირად სასურველია მათთვის, ვინც უკვე იპოვნა თავისი მეორე ნახევარი და მათთვისაც, ვინც ელოდება საყვარელი ადამიანის გამოჩენას.
  მარადიული სიყვარულის ისტორია
  ისტორიული ფაქტები ადასტურებენ, რომ სიყვარულის დღის პროტოტიპი ჯერ კიდევ ძველ რომში არსებობდა. შობადობის გაზრდისათვის, ძველმა რომაელებმა გამოიგონეს უჩვეულო ეროტიული ფესტივალი - ლუპერკალია. 14 თებერვალს აღინიშნებოდა ქალღმერთი ჯუნოს დღესასწაული, რომელიც ქალთა, დედათა და ქორწინების მფარველად ითვლებოდა. გასათხოვარი გოგოები პერგამენტის ქაღალდზე წერდნენ საკუთარ სახელებს და ყრიდნენ საერთო კალათში. მარტოხელა მამაკაცები, ბრმად არჩევდნენ წარწერიანი ქალღალდებიდან ერთ-ერთს. წყვილები მომდევნო ერთი წლის განმავლობაშ ხდებოდნენ ერთმანეთის ვალენტინები.
  მომდევნო დღეს, 15თებერვალს რომის ყველაზე ლამაზი ახალგაზრდა მამაკაცები, ქალაქის ქუჩებში იჭერდნენ შემხვედრ ქალებს. რომის ლამაზმანები არ ეწინააღმდეგებოდნენ რიტუალს, ხელს უწყობდნენ მამაკაცების მოზიდვას და ყელსაც იღერებდნენ. მსგავსი დღესასწაულები არსებობდა სხვა წარმართ ერებშიც.
  შუა საუკუნეებში, ერთ წლიანი პარტნიორის ყოლის უფლება ჰქონდათ ინგლისელებსაც. ახალგაზრდები, ძველი რომაელების მსგავსად, იღებდნენ კალათიდან ნაწერებს სადაც ქალის სახელი იყო აღნიშნული. შესაბამისი წყვილების დამთხვევისას, წყვილს შორის იწყებოდა ურთიერთობა და ერთმანეთისთვის ხდებოდნენ ვალენტინები.
  წმინდა ვალენტინის ისტორია
  496 წელს რომის პაპმა გამოაცხადა 14თებერვალი წმინდა ვალენტინის დღედ. ვინ იყო იდუმალებით მოცული ვალენტინი? არსებობს რამოდენიმე ლეგენდა.
  ერთ-ერთი ლეგენდის თანახმად, ვალენტინი იყო პატიმარი, რომელიც ავადმყოფებს კურნავდა უხილავი ძალის მეშვეობით, რის გამოც იგი დაიჭირეს. განკურნებულები არ ივიწყებდნენ მას და მიჰქონდათ მასთან წერილები. ერთხელ, ერთი ასეთი წერილი მოხვდა მცველის ხელში, რომელმაც დაიჯერა ახალგაზრდა მამაკაცის შესაძლებლობების და სთხოვა მას დახმარებოდა და განეკურნა მისი ბრმა ქალიშვილი. განკურნებულმა გოგონამ, დაინახა თუ არა მისი მშველელი, ლამაზი, ახალზგაზრდა ბიჭი, მაშნვე შეუყვარდა.
  ამ ისტორიას აქვს სამწუხარო დასასრული - 14 თებერვალს, ახალგაზრდა ყმაწვილი სიკვდილით დასაჯეს. მან სიკვდილის წინ დაწერა საყვარელი ქალისთვის და ახლობელი ადამიანისთვის წერილები. სწორედ აქედან მოდის ტრადიცია 14თებერვალს ქაღალდის გულებზე წარწერების გაკეთების და ერთმანეთისთის ჩუქების.
  სხვა, ლამაზი მაგრამ ესეც სევდიანი ლეგენდის თანახმად, ვალენტინი იყო რომაელი მღვდელი, რომელიც მოღვაწეობდა მესამე საუკუნეში. კარგადაა ცნობილი, რომ მაშინ აკრძალული იყო ჯარისკაცებისთვის ოჯახის შექმნა. ითვლებოდა, რომ ცოლები ხელს უშლიდნენ ქმრებს ომში და სამშობლოს დაცვაში.
  წმინდა ვალენტინი, კანონის მკაცრი აკრძალვის მიუხედავად, მაინც განაგრძობდა შეყვარებული წყვილების დაოჯახებას, რის გამოც მიესაჯა სიკვდილით დასჯა. ციხეში ყოფნისას, ახალგაზრდა მღვდელს შეუყვარდა მომხიბვლელი ქალი. გოგონამ სიყვარულითვე უპასუხა მამაკაცს, ოღონდ მამაკაცის გრძნობებზე ქალმა მისი გარდაცვალების შემდეგ შეიტყო მხოლოდ. 14 თებერვლის ღამეს, ვალენტინმა მისწერა წერილი საყვარელ ქალს და გამოუტყდა გრძნობებში, მომდევნო დილით კი ვალენტინი მოკლეს.
  როგორ გაჩნდა ვალენტინის წერილები?
  ძველი დროიდან, შეყვარებული წყვილები, სიყვარულში ერთმანეთს უტყდებოდნენ მხურვალე სიტყვებით, სიმღერებით და ცეკვებით. მხოლოდ მე-15 საუკუნეში დაიწყეს წყვილებმა ერთმანეთისთვის სასიყვარულო წერილების ჩუქება. ერთი ასეთი წერილი, დღემდე ინახება ბრიტანულ მუზეუმში.
  მე-18 საუკუნეში წყვილები ყვავილებისა და საჩუქრების ნაცვლად ვალენტინის წერილებს ჩუქნიდნენ ერთმანეთს. განსაკუთრებით ძვირფასი იყო თვითნაკეთი ფერად ქაღალდიანი წერილები ინგლისში. ზედ წერდნენ ლექსებს, ჩხვეტდნენ ნემსით რათა ბარათი გამოსულიყო აჟურული, აფორმებდნენ ტრაფარეტების დახმარებით და მელანის გამოყენებით. ასე დამზადებული ბარათები გამოიყურებოდნენ დიდებულად.
  საჩუქრები 14თებერვალს
  თუ მიყვებით ტრადიციას, თქვენს პარტნიორს გაუკეთეთ მისალოცი ბარათი, წააწერეთ სასიყვარულო სიტყვები და ლექსები. ასევე შესაძლებელია საღამოს მოუწყოთ გემრიელი ვახშამი და დააგვირგვინოთ მხურვალე ღამით. ნებისმიერ შემთხვევაში, თქვენი პარტნიორი კმაყოფილი დარჩება თქვენი მომზადებული მცირედი საჩუქრითაც კი. გაეცით რაც შეილება მეტი სიყვარული და იყავით ბედნიერები.