პირველი სექსი
  გოგონა, რომელმაც დაიწყო სქესობრივი აქტივობა, თუნდაც საქალწულე აპკის დაურღვევლად ითვლება, რომ იგი უკვე აღარაა ქალიშვილი.
  მიჩნეულია, რომ პირველი სექსის დროს, გოგონა კარგავს ქალიშვილობას. ზოგადად, ეს ასეც ხდება. თუმცა, ცნობილია შემთხვევები, როცა საქალწულე აპკის დაზიანების გარეშე ხდება სქესობრივი კავშირი, ეს მაშინ ხდება როცა საქალწულე აპკი ელასტიურია ან მდებარეობს საშოში ძალიან ღრმად. ზოგიერთ ქალს, აპკის მთლიანობა ერღვევა მხოლოდ მშობიარობის შემდეგ.
  დეფლორაცია მხოლოდ სისხლდენითა და მძაფრი ტკივილით უნდა ხდებოდეს
  საქალწულე აპკის სტრუქტურა და სიმჭიდროვე ინდივიდუალურია. ზოგიერთი გოგონა, დეფლორაციისას საერთოდ არ განიცდის მტკივნეულ შეგრძნებებს, რადგან მათი საქალწულე აპკი ძალიან თხელია.
  საქალწულე აპკზე, სისხლძარღვები შეიძლება ისე იყოს განლაგებული, რომ აპკის დარღვევამ ჩაიაროს უსისხლოდ. აქედან გამომდინარე, სისხლისა და ტკივილის არ არსებობა არ მიუთითებს იმაზე, რომ გოგონას ადრე უკვე ქონდა სექსი.
  საქალწულე აპკი შეიძლება დაირღვეს ჯერ კიდევ პატარაობისას, დედის მხრიდან ღრმად გამობანვის დროს. ზოგჯერ, აპკი იმდენად განუვითარებელია, რომ მისი აღმოჩენა მხოლოდ გინეკოლოგს შეუძლია გინეკოლოგიური გამოკვლევის დროს.
  თუ არ დაირღვა საქალწულე აპკი, არ შედგება ორსულობა
  საქალწულე აპკი არ არის იმდენად მთლიანი, რომ ხელი შეუშალოს სპერმის, განაყოფიერებისათვის საჭირო ორგანოებთან მოხვედრას. შიდა სასქესო ორგანოების, სეკრეციის შედეგად, ბუნებრივი გზით გამოედინება ლორწო, აპკზე არსებული ნაჩვრეტების მეშვეობით და ხდება სასქესო ორგანოების გაწმენდა. აპკზე არსებული ნაჩვრეტის ზომა საკმარისია იმისათვის, რომ სპერმამ მოახდინოს მასში შეღწევა, და განაყოფიერება. მიუხედავად აპკის მთლიანობისა, თუ დაემთხვა ფერტილური დღეები, ორსულობა სავსებით შესაძლებელია.
  საქალწულე აპკის დარღვევა ხდება მხოლოდ მამაკაცის სასქესო ორგანოს მეშვეობით
  ხდება ხოლმე, რომ საქალწულე აპკი იმდენად გამძლეა, რომ მისი დაზიანება არც თუ ისე ადვილია ჩვეულებრივ პირობებში. მსგავს შემთხვევებში სასურველია მიმართოთ ექიმ-გინეკოლოგს, ხელოვნური დეფლორაციისათვის. თუ მამაკაცის სასქესო ორგანოს მეშვეობით ვერ ხერხდება საქალწულე აპკის მთლიანობის დარღვევა, ნუ ეცდებით ძალით მის დაზიანებას!
  წინააღმდეგ შემთხვევაში, გოგონას გადაქცევა ქალად, დაემსგავსება ძალადობას.გარდა ამისა, ქალის ნაზი ორგანო ძალიან ადვილად დაზიანდება მსგავსი ძალადობით: ხშირ შემთხვევაში ხდება საშოსა და შორისის კედლების ქსოვილების დაზიანება, რასაც თან ახლავს სისხლდენა. ზოგიერთ ასეთ შემთხვევაში, საჭირო ხდება ნაკერების დადებაც.
  ნორმალური დეფლორაციის შემდეგაც კი, შესაძლოა გოგონა არ იყოს მზად ეგრევე სქესობრივი აქტის განმეორებისათვის, რადგან ჭრილობა დაზიანებულ კანზე ჯერაც არ ჰქონდეს შეხორცებული.