შეწყვიტეთ კამათი!
  პარტნიორებს შორის ჰარმონიული ურთიერთობა შესაძლებელია.
  მთავარია გახსოვდეთ, რომ ცხოვრებაში არსებობს თეთრი და შავი ხაზები, რომელსაც უნდა მიუდგეთ ოსტატურად რის შედეგადაც ვერაფერი ვერ შეძლებს შეარყიოს თქვენი ძლიერი ურთიერთობები.
  ნებისმიერ ურთიერთობაში, ყველაზე ძლიერ და გულწრფელშიც კი, არსებობს წყენები და ჩხუბები, ეს ბუნებრივი ცხოვრებისეული პროცესია, რომელიც საჭიროებს ეფექტურ მართვას. მეორე ნახევრის პატივისცემა და მისი შეხედულების გათვალისწინება, თუნდაც ის, სრულიად ეწინააღმდეგებოდეს თქვენს შეხედულებას, ძალიან მნიშვნელოვანია ისევე, როგორც სრული ურთიერთგაგება პარტნიორებს შორის.
  ერთმანეთის ნათქვამის არასწორედ გაგებამ, შეიძლება მიგიყვანოთ ჩხუბამდე და წყენის მიზეზი კი რეალურად სასაცილო და სულელური იყოს.
  მაგალითად, თავღიად დატოვებული კბილის პასტა სააბაზანოში ან და ტელევიზორის პულტი, რომელიც სხვა ადგილას დევს და არა თავის კუთვნილ ადგილას. ჩხუბში მთავარია დროულად გაჩერდეთ და არ ამოილაპარაკოთ ზედმეტი ისეთი რამ, რის გამოც შემდეგ შეგრცხვებათ საყვარელი ადამიანისათვის თვალებში შეხედვის. კამათის მალე დასრულებაში დაგეხმარებათ რამოდენიმე რჩევა.
  რჩევა პირველი
  შეეცადეთ თავი წარმოიდგონოთ მის ადგილას, ყველაფერს შეხედოთ მისი გადმოსახედიდან, მიხვდეთ რას გრძნობს ის, ამ მომენტში. დაუყოვნებლივ უთხარით: ,,ძვირფასო, როგორ მესმის შენი! შენს ადგილზე ჩემი მოთმინება ამდენს ვერ გაუძლებდა!’’
  რჩევა მეორე
  შეეცადეთ მის გაცინებას, გადაიყვანეთ ყველაფერი ხუმრობაში. შეგიძლიათ გაიხსენოთ სასაცილო ისტორია, ანეგტოტი ან მოიგონოთ რაიმე სისულელე, სიტუაციის განსატვირთად.
  რჩევა მესამე
  ნუ შეგეშინდებათ ითხოვოთ პატიება. ნუ გეგონებათ, რომ ამით დაიმცირებთ თავს, პირიქით, მის თვალში უფრო ამაღლდებით.
  ხანდახან უმჯობესია, გადადოთ უსიამოვნო საუბარი გარკვეული დროით. მიუბრუნდით ამ საკითხს, როდესაც ორივენი დაწყნარდებით, ყველაფერი დაწვრილებით აწინ-დაწონეთ რათა შეძლოთ საღი აზრის გამოტანა. მოერიდეთ ნაჩქარევ ემოციებს, რომლის დროსაც სიბრაზის გამო გიჭირთ საკუთარი თავის კონტროლი.
  ხედავთ, რა მარტივი რჩევიებია, რომლის შესახებაც ჩვენ ხშირად გვავიწყდება. მათი გათვალისწინებით კი, შესაძლებელია თავიდან ავიცილოთ ბევრი არასასურველი კონფლიქტი, უფრო მეტიც, შეგვიძლია ამ კონფლიქტების გადაჭრაც კი, ისე რომ არ მივაყენოთ საყვარელ ადამიანს ამით ტკივილი.